БИШКЕК, 16-июн. — Sputnik. Садыр Жапаров Ысык-Атадагы керамика плиткаларын жана керамогранит чыгарган заводдун ачылышына катышты. Бул тууралуу президенттин маалымат кызматынан кабарлашты.
Ага ылайык, завод 40 миллион долларга курулган. Анын 25 миллион долларын Россия-Кыргыз өнүктүрүү фонду бөлгөн.
Завод жылына 3,3 миллион чарчы метр продукция өндүрүп, 1,5 миллиард киреше табары болжолдонууда.
"Бул — курулуш сектору үчүн маанилүү! Анткени сапаттуу ички өндүрүш өлкөнү импортко болгон көз карандылыктан куткарып, баалардын туруктуулугун камсыз кылат", — деди мамлекет башчы.
Президент орточо айлык акысы 50 000 сомго жеткен 300дөн ашык жумуш орду түзүлгөнүн кошумчалады.