БИШКЕК, 12-июн. — Sputnik. Кыргызстандык режиссерлордун "Эсимде" тасмасы "Евразия — Кинофест" фестивалындагы "Баатырлар убагы" сынагында 1-орунду алды.
Эльзар Кадырматов менен Бектурсун Арзыматовдун колунан чыккан эмгекте Улуу Ата Мекендик согуш жылдарындагы окуялар чагылдырылган.
Сочидеги "Евразия-Кинофест" фестивалы дүйнөнүн 26 өлкөсүнүн өкүлдөрүнүн башын бириктирип, кинотеатрларга миңдеген көрүүчүлөр келишкен.