БИШКЕК, 12-июн. — Sputnik. Бишкекте дарыгерлер 8 жаштагы баланын ашказанынан 10 сомдук монетаны алып чыгышты. Бул тууралуу Саламатык сактоо министрлиги кабарлады.
Операция Эне жана баланы коргоо улуттук борборунда жакында алынган SonoScape 550 маркасындагы эндоскоп менен жасалганы айтылды.
© Фото / пресс-служба Минздрава КР
Медиктер бала жакшы болуп үйүнө чыгарылганын, негизи эле жумасына 3-4 баладан ар кандай буюмдар алынарын кошумчалашкан.
Эске салсак, бул эндоскопту жакында эле дарыгерлердин кайрылуусу боюнча УКМК төрагасы Камчыбек Ташиев алып берген.