БИШКЕК, 6-июн. — Sputnik. Энергетика министри Таалайбек Ибраев Филиппинде Азия өнүктүрүү банкынын өкүлдөрү менен жолугуп, ири долбоорлорду ишке ашырууну сүйлөштү. Бул тууралуу ведомствонун маалымат кызматы кабарлады.
Анда министр Токтогул ГЭСи оңдолуп бүткөндөн кийин Күрп-Сай ГЭСин реабилитациялоону сунуштаган.
Ошондой эле энергетика министри ГЭС-5те 100 киловаттык күн станциясы иштеп жатканын айтып, анын бетин фотоэлектрдик панель менен жаап, кубаттуулугун 15 мегаваттка көтөрүүнү сунуштаган. Аталган банк долбоорду ишке ашырууга макул болгон.
Тараптар жакынкы аралыкта Кыргызстанда жолугушууну пландашты.