БИШКЕК, 5-июн. — Sputnik. Телеконференцияда Россиянын Тышкы иштер министрлигинин өзгөчө тапшырмалар боюнча элчиси Родион Мирошник Украинанын Куралдуу күчтөрүнүн Курск аймагына кириши АКШнын Демократиялык партиясы менен кандай байланышы бар экенин түшүндүрдү.
Ал белгилегендей, чабуул башында террордук мүнөздө болгон жана “Киев режиминин саясий милдеттерин” чечүүгө багытталган. Элчи окуя АКШдагы президенттик шайлоонун алдында болгонун эске салды.
“Чабуул Демократиялык партиядан президенттикке талапкер Камала Харристи колдоо үчүн пиар-долбоор катары иштелип чыккан. Демократтар Киев режимин активдүү каржылап, куралдандырып турушкан. Басып кирүүдөн кийин Зеленский АКШга барып, ал жерде демократтар менен аскердик заводго барган, Харрис менен жолугушуп, демократтардын шайлоо сценарийлеринде маанилүү фигурага айланган”, — деди Мирошник.
Элчи Владимир Зеленский америкалык демөөрчүлөрүнө террордук жол менен жетишкен ийгиликтерин көрсөтүшү керек болгонун кошумчалады.