БИШКЕК, 10-май — Sputnik. Кыргызстандык чоң энелер Дубайда өткөн International Dubai Arts Festival бий сынагында Гран-прини утуп алды. Бул тууралуу Балет федерациясы кабарлады.
Конкурска 12 аял барган. Улуусу 79, кичүүсү 42 жашта экени айтылат.
"Кыргызстандан барган чоң энелердин бийи көрүүчүлөр менен жюрилерди суктантты. Алар фестивалды көркүнө чыгара алды", — деп билдирди федерация.
Сынакка Түркия, Бириккен Араб Эмираттары, Өзбекстан, Казакстан жана Тажикстандын бий топтору да катышкан.