БИШКЕК, 9-май — Sputnik. Кыргызстандын президентинин администрациясы Кызыл аянттагы аскердик параддан сүрөттөрдү жарыялады.
Салтанаттуу иш-чарага 10 миңдей адам катышып, 130дан ашык аскердик техника жана авиация тартылган. Парадга 29 мамлекеттин, анын ичинде Кыргызстандын башчысы катышты. Кызыл аянттан Кыргызстандын Куралдуу күчтөрүнүн Улуттук гвардиясы өтүп, сапты полковник Нурбек Дүйшөнбаев жетектеди.
Параддан кийин Садыр Жапаров башка мамлекеттердин жетекчилери менен бирге Александр бакчасындагы Белгисиз жоокердин мүрзөсүнө гүл койду.