Туризм академиясы 1995-жылы декабрь айында эл аралык колледж катары ачылган. Андан эки жыл өтпөй окуу жай академия болуп түзүлүп, 1999-жылы алгачкы бүтүрүчүүлөрүн бүтүргөн. Ошол учурда чет өлкөлөрдөн кеңешчилер келип, өздөрүнүн тажрыйбалары менен бөлүшүп, көмөк кылышкан. Окуу жай туризм, меймандостук, эл аралык катыштар, котормочу жана менеджмент багыттары боюнча адистерди даярдап чыгарат. Академияда туризм тармагына ылайык кадрларды даярдоодо меймандостукка өзгөчө көңүл бурулат. Максаты келген конокту сапаттуу тейлеп, көңүлүн алуу болуп саналат. Андыктан окуулар теория менен практика жүзүндө өтүлөт. Учурда студенттер туризм чөйрөсү өнүккөн Туркия, Таиланд жана Египет өлкөлөрүнө стажировкага барып келишүүдө. Академияга тапшырган абитуриенттердин саны жыл сайын өсүп, жылына 150дөй студент бүтүрүп чыгып жатканын Туризм академиясынын биринчи проректору Нарынбек Асанжанов айтып берди.