БИШКЕК, 28-апр. — Sputnik. Садыр Жапаров Улуу Ата Мекендик согуштун ардагерлерине 100 миң сомдон берүүнү тапшырды. Бул тууралуу президенттин маалымат кызматынан кабарлашты.
Ага ылайык, Жеңиштин 80 жылдыгынын урматына 32 ардагерге 3 миллион 232 миң сом каралган.
Мамлекет башчы кол койгон тескемеге ылайык, акча Улуу Ата Мекендик согуштун ардагерлеринин төмөнкү категорияларына бөлүнгөн:
Улуу Ата Мекендик согуштун майыптарына;
Улуу Ата Мекендик согуштун катышуучуларына;
Экинчи дүйнөлүк согуш мезгилинде нацисттер жана алардын союздаштары тарабынан түзүлгөн концлагерлердин, геттолордун жана башка мажбурлап кармоо жайларынын жашы жете элек туткундары болгон адамдарга;
1941-жылдын 8-сентябрынан тартып 1944-жылдын 27-январына чейинки блокада мезгилинде Ленинград шаарындагы ишканаларда, мекемелерде жана уюмдарда иштеген, "За оборону Ленинграда" медалы менен сыйланган адамдар жана "Жителю блокадного Ленинграда" белгиси менен сыйланган адамдарга.