БИШКЕК, 23-апр. — Sputnik. ИИМге караштуу Жол кыймылынын коопсуздугун камсыздоо башкы башкармалыгында коррупциялык схема аныкталды. Бул тууралуу УКМКдан кабарлашты.
© Фото / пресс-служба ГКНБ КР
Маалыматка ылайык, аталган башкармалыктын кызматкерлери унааларга жарнама чаптоого уруксат берүүчү документтер үчүн акы алышкан. Бул документтер акысыз берилиши керектиги белгиленди.
"Жооптуу адамдар жасалма тоскоолдуктарды жаратып, уруксат берүү мөөнөтүн создуктуруп, жарандарды акча берүүгө мажбурлашкан", — деп айтылат маалыматта.
Коррупциялык схеманын уюштуруучусу М.А.З. аттуу жаран камакка алынды.