БИШКЕК, 14-апр. — Sputnik. Өлкөдө массалык башаламандык уюштурууга даярданды делген топ кармалды. Бул тууралуу Чүй ОИИББинен кабарлашты.
Маалыматка ылайык, аталган топтун курамында саясий ишмерлер, уюшкан кылмыштуу топтордун мүчөлөрү жана жарандык активисттер бар.
"Аталган топтун мүчөсү, Токтогул районунун 47 жаштагы С.Ф. аттуу тургуну кармалган. Ошондой эле М.О. аттуу Кара-Суу районунун 27 жаштагы тургуну да колго түшкөн. Ал топтун каражаттарын легалдаштырып, Тилекмат Күрөңов жана башка адамдардын чагымчыл видеолорун монтаждап, социалдык тармактарга фейк аккаунттар менен жайылткан", — деп айтылат маалыматта.
Факт боюнча "Массалык башаламандык" беренеси менен кылмыш иши козголгону кошумчаланды.