БИШКЕК, 8-апр. — Sputnik. Кыргызстан ЕАЭБге мүчө мамлекеттердин арасында жумуртка өндүрүү боюнча алдыга чыкты.
Евразиялык экономикалык комиссиянын маалыматына ылайык, 2025-жылдын январь-февраль айларында өлкөдө 94,8 миллион жумуртка өндүрүлгөн. Бул — өткөн жылдын ушул мезгилине салыштырмалуу 5,2 пайызга көп көрсөткүч.
Өсүш боюнча кийинки орунда Россия турат (3,7 пайыз). ЕАЭБ боюнча орточо көрсөткүч 3,3 пайызды түздү.