БИШКЕК, 7-апр. — Sputnik. Эми Minecraft оюнун кыргыз тилинде ойносо болот. Бул тууралуу аны демилгелеп ишке ашырган КРСУнун 3-курсунда окуган Атай Азаматов билдирди.
Кыргызстандык студент оюнду эне тилге которуп, ал эми негиздөөчүлөр саамалыкты анын соңку версиясына кошту.
"Оюндун негиздөөчүлөрү менен мектепте окуган маалда эле байланышууга аракет кылгам, бирок жооп былтыр майда келди. Котормону дагы ошол кезде баштагам. Бул — өлкө үчүн жана мамлекеттик тилди өнүктүрүүгө салымын кошкон маанилүү иш", — деди демилгечи.