Кан басымынын төмөндөшүнө бир катар нерселер себеп болушу мүмкүн. Алардын катарына чарчануу, аз уйку, туура эмес тамактануу кирет. Бул нерсе студенттер арасында көп катталат. Себеби билим сүйүүчүлөр, көп окуп, тамакты тартып жегендиктен кан басымдын төмөндөшүнө көп кабылат. Дегеле кан басымы төмөндөшүн кантип алдын алса болот? Бул нерсе өтүшүп кетсе кандай коркунучтары бар? ушул жана башка суроолорго Улуттук госпиталдын кеңеш берүү жана дарт аныктоо бөлүмүнүн дарыгери Дилбар Курманалиева жооп берди.