БИШКЕК, 27-мар. — Sputnik. Айпери Медет кызы Азиянын үчүнчү жолку чемпиону болду.
Ал финалда индиялык балбан Ритика Худаны жеңди. Эсеп 6:6 болду. Соңку аракетти Айпери жасап, жеңишти жулуп кетти десек болот.
Спортчулар 76 килограмм салмакта кармашты.
25-мартта Иорданиянын Амман шаарында өтүп жаткан бул чемпионат 30-мартта аяктайт. Ал грек-рим, кыз-келиндердин жана эркин күрөш боюнча болууда. Кыргызстандан бул таймашка 27 спортчу аттанган.
Турнирден буга чейин Раззак Бейшекеев күмүш, Ырыскелди Максатбек уулу коло медаль алган.