"Кыргыз көмүр" мамлекеттик ишканасына өкмөт тарабынан калкты арзан жана сапаттуу көмүр менен камсыздоо боюнча тапшырма берилген. Мунун алкагында жыл ичинде республиканын түштүк аймагында жайгашкан “Загара-2” жана“Урмизан-3” кендери иштетүүгө киргизилген. Мындан тышкары быйыл беш жаңы кенди ишке киргизүү мерчемделип, "Сүлүктү талаа 11","Бешбурхан","Маркай", "Теген" жана "Кожо-Келен" кендеринде даярдыктар жүрүүдө.
Ошондой эле майда көмүрдү жууп, күйүү сапатын жакшыртуучу ишканаларды куруу пландалып жатканын "Кыргыз көмүр" мамлекеттик ишканасынын башкы директору Кайрат Маматов маалымдады.