БИШКЕК, 25-мар. — Sputnik. Уюшкан кылмыштуу топтун Иисус каймана аттуу мүчөсү жана анын тарапташтары кармалды. Бул тууралуу УКМКдан кабарлашты.
Маалыматка ылайык, алар уурдоо, каракчылык, опузалоо жана башка бир катар оор кылмыштар боюнча козголгон иштин алкагында колго түшүрүлгөн.
"Шектүүлөр узак убакыт бою ишкерлерди куугунтуктап, коркутуп, опузалоо менен алектенишкен. Жалпысынан аффилирленген жактарга наркы 170 миң доллар болгон мүлктү тариздеген", — деп айтылат маалыматта.
Кармалган М.Б.М. (Иисус) жана К.У., М.С.М. аттуу жарандар УКМКнын тергөө абагына киргизилди.
