БИШКЕК, 24-мар. — Sputnik. Президент Садыр Жапаров "Кызмат" мамлекеттик мекемесинин жаңы кеңсесин ачты. Бул тууралуу өлкө башчынын маалымат кызматынан кабарлашты.
Билдирүүгө ылайык, ал "Учкун" имаратында жайгашкан. Кеңседе 175 адис үчүн ыңгайлуу шарттар түзүлүп, конференц-зал, эс алуучу бөлмөлөр, ашкана, чайкануучу жай, намазкана жана стол тенниси үчүн залдар бар.
Мамлекет башчыга мекеме тарабынан санариптик кызматтарды өнүктүрүү боюнча иштер жүрүп жатканы маалымдалды. Жапаров онлайн-кызматтарды кеңейтүүнү, жеке маалыматтарды коргоону күчөтүүнү жана кызмат көрсөтүүнүн сапатын тынымсыз көзөмөлдөөнү тапшырды.