БИШКЕК, 10-мар. — Sputnik. Нарында бороондон улам ашууда калган айдоочулар куткарылды.
ӨКМдин маалыматы боюнча, 9-мартта Миң-Булак айыл аймагындагы Кара-Кужур — Солтон-Сары жолунда бороон болуп, кар жаап, күрткү түшкөн. Мындан улам жүк ташыган 7 машина жолдо туруп калган.
Жол бүгүн таңда тазаланып, жүк ташыган машиналар чыгарылган.
Айдоочулардын бири эки сутка бою суу, нан жок калып ачка болушканын, айла кетип ӨКМге чалышканын айткан.
