"Былтыр президент Садыр Жапаров "202-2034-жылдарга Кыргыз Республикасында футболду өнүктүрүү боюнча чаралар жөнүндө" жарлыкка кол койгон. Бул 10 жылдык өнүктүрүү программасында өлкөнүн ички чемпионатынын абалын, инфратүзүмдү жакшыртуу сыяктуу иштер каралган. Быйыл кыргыз премьер-лигасына жаңы төрт клуб кошулуп, алгачкы беттештерин өткөрүштү. Мындан ары КПЛде акыркы эки орунду алган командалар төмөнкү лигага түшүп, улуттук лигадагы мыкты эки команда жогору көтөрүлөт. Бул спорттук принцип атаандаштыкты күчөтүп, быйылкы чемпионат кызыктуу болот деп турабыз. Мындан тышкары, КПЛдеги ар бир клуб футболдук базасын курууда. Анын негизинде клубдар академия куруп, алты жаштан баштап балдарды окутуп, тарбиялайт. Учурда стадиондор реконструкциядан өтүп, баары даярдалып жатат", — деди Сыдыков.