Туура кам көрүлсө Түндүк — Түштүк альтернативдик жолу элге көп жыл кызмат кылат. Бул тууралуу Айбек Калмаматов Sputnik Кыргызстан радиосуна маек куруп жатып билдирди.
Анын айтымында, эки көпүрөнүн бири 400 метр, экинчиси 1100 метрди түзөт.
"Түндүк — Түштүк альтернативдик жолу сапаттуу салынды. Жолду текшерүү иштерине катышып жүргөн, дегеле бул тармакта тажырыйбасы бар адис катары айтсам, буюрса элге көп жыл кызмат кылат. Мисалы, Бишкек — Ош жолу салынгандан кийин 15-20 жылдай бузулбай кызмат кылды. Жаңы жол дагы ушундай иштеп берет деп ишенем. Эң негизгиси, жолго туура кам көрүлүшү керек. Туура тейленсе жол көпкө чыдайт", — деди Калмаматов.
Ошондой эле ал Бишкек — Ош жолунда да оңдоп-түзөө иштери жүргүзүлүп, эки жол бирдей колдонуларын кошумчалады.