БИШКЕК, 2-мар. — Sputnik. Келе жаткан жуманын, тагыраагы, 2-марттан 8-мартка чейинки аба ырайынын божомолун Кыргызгидромет бөлүштү.
Чүй, Талас
Синоптиктердин маалыматына ылайык, Бишкекте 4-мартта күндүз жана 5-7-мартта күн ачык болот. Башка күндөрү, анын ичинде 8-мартта кар, жаан жаашы мүмкүн. Бирок 8-мартта Бишкекте күн 12…14 градуска чейин жылыйт.
Ош, Жалал-Абад, Баткен
Дүйшөмбү күнү көпчүлүк аймактарда жаан, тоолуу райондордо кар жаашы ыктымал. 4-мартта күндүз, 5-6-мартта жана 7-мартта түнкүсүн жаан-чачын жаап, күндүз күн ачык болот.
8-мартта көпчүлүк аймактарда жаан, кар, тоолуу райондордо кар жаашы мүмкүн. Анткен менен ири шаарларда температура 16... 18 градуска чейин көтөрүлөт.
Ысык-Көл, Нарын
Региондордо дүйшөмбү жана шейшемби күндөрү жаан-чачын, кар жаайт. 5-7-мартта күн ачылат. Башка аймактардай эле 8-мартта жамгыр, кар жаамакчы.
