БИШКЕК, 1-мар. — Sputnik. Министрлер кабинетинин башчысы Адылбек Касымалиев менен өкмөт мүчөлөрү Бишкекте коюлган "Раймалы менен Бегимай" этномюзиклине барды.
Чыңгыз Айматовдун чыгармасы боюнча коюлган этномюзикл элге 22-февралдан 28-февралга чейин Улуттук филармонияда тартууланды.
Мюзиклде бири-бирин чын дилинен сүйгөн ашыктар Раймалы менен Бегимайга болгон элдин сүймөнчүлүгүнө карабастан, залимдиги башынан ашкан бир ууч түркөй коомдун курмандыгы болгон татаал тагдыры чагылдырылган.
Долбоордун автору жана жетекчиси — КР эл артисти Кыргызбай Осмонов, ал эми либреттосун КР эл акыны Аалы Туткучев жазган. Режиссеру — Айнура Качкынбек кызы, режиссер-коюучу — Умар Кадыров.