БИШКЕК, 28-фев. — Sputnik. XX кылымдагы Кыргызстандын мыкты футболчусу көз жумду. Бул тууралуу Кыргыз футбол биримдигинен кабарлашты.
Жусуп (Юсуп) Мусаев 1936-жылдын 27-февралында төрөлгөн. 1957-жылы борбордук "Спартак" (кийин "Алга" болуп өзгөргөн) клубуна кирип, 10 жылдан ашык ойногон.
Чабуулучу "Алганын" мыктыларынын бири эле. Ал кезде СССРдин футбол боюнча жогорку лигасына чыгыш үчүн командага бир аз гана упай жетпей калган.
Мусаев — СССРдин спорт чебери, Кыргызстандын дене тарбия жана спортко эмгек сиңирген ишмери. Даңк медалы менен сыйланган жана FIFA уюмунун ошол кездеги президенти Йозеф Блаттерден Ардак грамота алган.
