БИШКЕК, 18-фев. — Sputnik. Токтогул жана Үч-Коргон ГЭСтеринин бирден гидроагрегаттары реконструкцияланат. Бул тууралуу Энергетика министрлигинен кабарлашты.
Маалыматка ылайык, иштер Токтогулда 20-февралда, Үч-Коргондо 1-мартта башталат.
"Реконструкциядан кийин Токтогул ГЭСинин кубаттуулугу 60 мегаваттка көбөйүп, жалпы кубаттуулугу 1 440 мегаватт болот. Ал эми Үч-Коргон ГЭСинин кубаттуулугу оңдоп-түзөө иштеринен кийин 9 мегаваттка көбөйөт", — деп айтылат маалыматта.
Министрлик реконструкциялоо учурунда ГЭСтердин кубаттуулугу кыскарарын, андыктан электр энергиясын үнөмдүү колдонууну өтүндү.
