БИШКЕК, 17-фев. — Sputnik. Кыргызстанда 3-класска чейинки окуучуларга баа коюу системасын жоюу сунушталууда.
Билим берүү жана илим министрлиги жалпы билим берүүнүн мамлекеттик стандартынын жаңы долбоорун иштеп чыкты.
Тактап айтканда, 1-3-класстарга баллсыз система киргизүү сунушталууда. Мында жазуу же оозеки түрүндө "сапаттуу сыпаттама баалоого" гана жол берилет. Бул учурда окуучунун жеке сапаттарын, ошондой эле эс тутум жана кабыл алуу өзгөчөлүктөрүн баалоо мүмкүн эмес болуп калат.
"3-6-класстарда окуудагы жетишкендиктерге көз салуу жана билим берүүнүн кийинки баскычында окууга даярдыгын аныктоо үчүн баллдык система киргизилет", — деп айтылат долбоордо.
