БИШКЕК, 13-фев. — Sputnik. Бишкекте окуучунун өлүмүнөн кийин №72 мектептин жетекчилиги кызматтан кетти. Бул тууралуу Билим берүү министрлигинен билдиришти.
Маалыматка ылайык, мектептин директору иштен алынып, орун басары менен класс жетекчиси иштен четтетилген.
Буга чейин №72 мектептин 8-классынын окуучусу каза болгон. Ал чоң класстын балдарынан токмок жегенин Жогорку Кеңештин депутаты Надира Нарматова билдирген.
Ошондой эле кылмыш иш козголгону кабарланган.