2024-жылдын маалыматы боюнча, өлкөдө лицензиясы бар 804 жеке менчик стоматологиялык эмкана катталган. Бул тууралуу Абибилла Калбаев Sputnik Кыргызстан радиосуна маек куруп жатып билдирди.
Анын айтымында, өлкөдө балдардын 59-90 пайызы стоматологиялык жардам алууга муктаж.
"Стоматология — медицинанын абдан чоң тармагы. Стоматологиялык жардамга муктаждык абдан жогору. Бүгүнкү күндө республикада өз алдынча иштеген 11 стоматологиялык эмкана бар. 2024-жылдын маалыматы боюнча, өлкөдө лицензиясы бар 804 жеке менчик тиш клиникасы катталган. Өлкөдө балдардын дээрлик 59-90 пайызы стоматологиялык жардам алууга муктаж. Ал эми өспүрүмдөрдө жана бойго жеткен курактагылар арасында бул көрсөткүч андан да көп", — деди Калбаев.
Ошондой эле ал мектептерде стоматологиялык бөлмөлөрдү жандандырып, санын көбөйтүүгө көңүл буруу керектигин кошумчалады.