"Өлкөдө глаукома жана катаракта дарттарына кабылгандар көбөйүп жатат. Бул оорулар көздүн көрүүсүн начарлатат. Мисалы, катарактада адам бир нерсени ачык же тунук көрбөй калат. Катарактаны көзгө арналган тамчылатма же көнүгүүлөр менен дарылоого болбойт. Бир гана жолу заманбап жана коопсуз технологиялардын жардамы менен баштапкы этапта эле операция жасоо керек. Операция болгону 15 мүнөткө созулат. Андан кийин бейтапта дароо көрүү мүмкүнчүлүгү бар. Бирок толук калыбына келүү бир айга созулат. Ал эми глаукома илдети көздүн ички кан басымынын (давление) тез-тез көтөрүлүшүнөн улам пайда болот. Көздүн ичиндеги басым жогорулаган сайын көрүү жөндөмү акырындык менен азаят. Ошондуктан бул оору кеч байкалат. Тамчылатма дары-дармек менен айыктыруу мүмкүн. Тилекке каршы, глаукома тукум куугандыктан ымыркайларда да кездешет. Бирок 40 жаштан ашкан адамдар көбүрөөк чалдыгат", — деди Алибиева.