БИШКЕК, 6-фев. — Sputnik. АКШнын президенти Дональд Трамптын Украина боюнча атайын өкүлү Кит Келлог Америка лидери Украинадагы жаңжалды токтотуу үчүн Россияга каршы санкцияларды күчөтүүгө даяр экенин билдирди. Бул тууралуу РИА Новости жазды.
"Трамп Украинадагы согушту токтотуу үчүн Россияга каршы америкалык санкцияларды күчөтүүгө даяр. Биз чындап эле санкцияларды, өзгөчө акыркыларын (мунай өндүрүү жана экспорттоо боюнча) катаалдата алабыз", — деген Келлог New York Post гезитиндеги маегинде.
Ал ошондой эле Трамптын администрациясынын бардык мүчөлөрү Украинадагы жаңжалды жөнгө салуу боюнча талкууларга катышып жатканын белгиледи.
"Трамп өткөн жумада улуттук коопсуздукка багытталган кеңешчилерден жана министрлер кабинетинин мүчөлөрүнөн турган командасын чогултуп, жаңжалды токтотуу үчүн улуттук бийликтин бардык элементтерин кантип колдонуу керектигин талкуулады", — деди Келлог.
Ал бул жаатта президент менен кошо вице-президент, улуттук коопсуздук боюнча кеңешчи, мамлекеттик катчы, финансы министри жана улуттук коопсуздук кызматкери иштеп жатканын кошумчалаган.
