БИШКЕК, 7-фев. — Sputnik. АКШ президенти Дональд Трамп Россияны коркутуп-үркүтүү менен өзүн-өзү алдоодо. Бул тууралуу Американын отставкадагы чалгынчысы Скотт Риттер Judging Freedom YouTube каналына маек куруп жатып айтканын РИА Новости жазды.
Анын айтымында, Трамптын башкы катасы — дайым өз шартын таңуулоого аракет жасаганында. Риттер мындай авантюралар Россия менен ишке ашпай турганын белгилеген.
"Негизинде мунай турган Россия экономикасы менен ойноп жатат. Баррели 12 доллар. Бааны 45 долларга чейин түшүрүп жиберген күндө да алар баары бир пайда көрүшөт. Биз болсо нефть экономикабызды биротоло талкалайбыз", — деген чалгынчы.
Эскерте кетсек, 22-январда Трамп эгер Москва атайын операцияны токтотпосо жаңы санкция жана бажы салыктары киргизилерин айткан. Ак үйдү кожоюну ОПЕК уюумунан, негизинен Сауд Арабиясынан нефтиге бааны төмөндөтүүнү өтүнө турганын, бул Украина жаңжалын токтотууга өбөлгө боло аларын айткан.
РФ президентинин маалымат катчысы Дмитрий Песков Россия коркутуулардан башка жаңы нерсе көрө албаганын билдирди. Ал Трамп президенттигинин биринчи мөөнөтүндө да санкциялык чараларга ыктап келгенин, ушу тапта Москванын тең ата диалог куруу ишаратына даяр экенин эч билдирбей жатканын эскертти.
