Жаңылыктар. Чыгарылыш 09:00

Sputnik
Кыргызстанда бийик тоолуу аймактарга 31 жаңы калктуу конуш кошулат. Тиешелүү токтом долбоору коомдук талкууга коюлду. Маалыматка ылайык, бийик тоолуу, алыскы жана жетүүгө кыйын аймактарда жашагандардын социалдык төлөмдөрү инвентаризацияланып, бийик тоолуу шарттарда жайгашкан калктуу конуштардын тизмеси анализденди. Мындан улам Эмгек, социалдык камсыздоо жана миграция министрлиги бийик тоолуу шарттарда жайгашкан калктуу конуштардын тизмесин бекитүү боюнча токтом долбоорун иштеп чыккан."Аталган калктуу конуштарда жашаган жана иштеген жарандардын эмгек акыларына кошумча төлөмдөр үчүн 304,7 миллион сом, ал эми социалдык төлөмдөр үчүн 304,9 миллион сом керектелет", — деп жазылган документтин негиздемесинде.
Мындан ары юридикалык жана жеке жактар транспорт каражаттарын өзү каалаган жерден каттаса же кайра каттатса болот. Бул тууралуу Транспорт каражаттарын жана айдоочулук курамды каттоо боюнча мамлекеттик агенттик кабарлады.Маалыматка караганда, жаңы көчмө каттоо кызматы пилоттук режимде Бишкек шаарында ишке киргизилди. "Мобилдик топ багытталган жерге барып, укукту күбөлөндүрүүчү документтерди жана мамлекеттик номердик белгилерди берүү менен транспорт каражатын каттайт. Бул каттоо документтерин алуу процессин жөнөкөйлөштүрүүгө жана тездетүүгө мүмкүндүк берет", — деп айтылат маалыматта.
Россияда матрицалык рибо нуклеиндик кислота (мРНК) технологияларын иштеп чыгуу боюнча илимий-технологиялык борбор түзүлдү. Борбордун базасында инновациялык дары-дармектерди чыгаруу пландаштырылууда. Бул тууралуу ТАСС маалымат агенттиги кабарлады. Агенттиктин маалыматына ылайык, тиешелүү буйрукка орус өкмөтүнүн башчысы Михаил Мишустин кол койгон. Борбор юридикалык жакты түзбөстөн консорциум түрүндө иш алып барат. Ага 17 илимий уюм кирет. Белгилей кетсек, буга чейин өкмөттүн резервдик фондунан мРНКнын негизинде инновациялык дары-дармектердин өндүрүшүн түзүү үчүн жабдууларды сатып алууга болжол менен 600 млн рубль бөлүнгөн.** АКШ президенти Дональд Трамп Оттавага бажы салыгын киргизүү процессин бир айга токтотконун Канаданын премьер-министрине таянуу менен РИА Новости жазды. Эки өлкөнүн лидерлери мындай чечимге сүйлөшүүлөрдөн кийин келишкен. Ага ылайык, Канада баңгикартелдерди террордук топтордун катарына киргизип, чек араны күнү-түнү көзөмөлдөйт, мындан тышкары, АКШ менен биргеликте уюшкан кылмыштуулук, баңгизат трафигин жана кирешени легалдаштырууга каршы күрөшүү боюнча бөлүм түзүүгө милдеттендирилет. Буга катар эле АКШ Мексиканын товарларына да бажы салыгын киргизүүнү токтото турууну чечкен. Бул тууралуу Дональд Трамп менен сүйлөшкөндөн кийин өлкөнүн президенти Клаудия Шейнбаум билдирди. Жолугушуу болгонун Трамп өзү да тастыктап, бир айдын ичинде мамлекеттик катчы Марко Рубио, финансы министри Скотт Бессент, соода министри Говард Латник жана Мексиканын жогорку кызматтагы адамдары катышкан сүйлөшүүлөр жүрөрүн белгиледи.///ЭМИ ВАЛЮТА КУРСУ МЕНЕН ТААНЫШЫП АЛЫНЫЗДАР: