БИШКЕК, 3-фев. — Sputnik. Ысык-Көл облусунда аквакультура жана балык чарбасын өнүктүрүү боюнча улуттук борбор курулууда. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, Бөкөнбаев айылындагы бул объект 2026-жылдын соңуна чейин ишке берилет.
"Инкубациялык цехтер, лабораториялар, турак жайлар, ашкана куруу, реконструкциялоо жана техникалык жабдуу пландаштырылган. Бул борбордо илимий кызматкерлер балык өстүрүү технологиялары боюнча окуу-семинарларды өткөрүшөт", — деп айтылат маалыматта.
Учурда 180 метрлик кудук казылып, насос жана сууну тазалоочу системалар орнотулду.
