БИШКЕК, 2-фев. — Sputnik. АКШ президенти Дональд Трамп айтканынан кайтпаган мүнөзү менен Европада тез эле тартип орното алат. Бул тууралуу РФ лидери Владимир Путин "Россия 1" телеканалындагы "Москва. Кремль. Путин" программасынын автору Павел Зарубинге маек куруп жатып айтканын РИА Новости жазды.
"Трамп Европада тез эле тартип орното алат. Көп өтпөй эле кожоюнуна шыйпаңдаган күчүктөй болуп калышат, көрөсүңөр. Баары өз ордуна келет", — деди өлкө башчы.
РФ президентинин айтымында, Трамптын баалуулуктар системасы Жо Байдендин позициясынан айырмаланып турат. Европа башчылары үчүн Ак үйдүн мурунку администрациясы жагымдуураак экенин, Вашингтондон келген буйрукту ылгабай аткарып көнүшкөнүн белгилеп, Путин европалык лидерлердин мурунку мууну азыркылардан өз таламын талаша билгени менен айырмаланарын айтты.
"Европада (Шарль) Де Голль, (Франсуа) Миттеран, жаңы тарыхты карасак, (Жак) Ширак, Германияда Вилли Брандт, (Гельмут) Коль, (Герхард) Шредер сыяктуу дүйнөлүк ишмерлер өткөн. Өз пикирин айта билген, таламын талашууга дарамети жеткен адамдар эле. Азыр Европада мындай адамдар дээрлик жок", — деди Путин.
