БИШКЕК, 1-фев. — Sputnik. Азербайжан — Кыргыз өнүктүрүү фонду ГЭС менен тигүү цехин курууга каражат бөлөт. Бул тууралуу Экономика жана коммерция министрлигинен билдиришти.
Маалыматка ылайык, экономика жана коммерция министринин орун басары Санжар Болотов Азербайжан — Кыргыз өнүктүрүү фондунун жыйынына катышты. Анда эки долбоорду каржылоо макулдашылды.
Алар:
9 мВт кубаттуулуктагы чакан ГЭС;
300 иш ордун түзө турган заманбап тигүү фабрикасы.
Мындан тышкары, көп функционалдуу борбордун курулушун каржылоо концепциясы бекитилди.
Эске салсак, аталган фонддун уставдык капиталы 100 млн. долларга жеткен.