БИШКЕК, 25-янв. — Sputnik. Бишкекке Түркиядан Izuzu автобустарынын үчүнчү партиясы келгенин мэрия кабарлады.
Маалыматта калаага мындай автобустарын 43ү келгени айтылат. Алар үч эшиктүү келип, 85 жүргүнчүгө ылайыкташкан. Ден соолугунан мүмкүнчүлүгү чектелген адамдар үчүн пандустар жана кош бойлуу аялдар менен кары-картаңдарга атайын орундуктар каралган.
Жүргүнчүлөрдүн ыңгайлуулугу үчүн бардык шарттар түзүлгөн: видеокамералар, кондиционер орнотулуп, телефон кубаттагычтар менен жабдылган.
Жакын арада борбор калаага дагы 25 автобустун келиши күтүлүп жатат.