Билим берүү жана илим министрлиги мамлекеттик жана муниципалдык мектепке чейинки билим берүү уюмдарынын жетекчилеринин бош кызмат орундарына сынак жарыяланып, учурда сынактын төртүнчү этабында талапкерлердин арыздары жана документтери катталат. Каттоо 2025-жылдын 13-январынан башталып, 27-январга чейин болот. Программанын жүрүшүндө мейманыбыз Рыскүл Маданбекова менен сынактын жүрүшү, коюлган талаптар жана бала бакчалардагы тарбия иштери, билим берүүнүн сапаты, балдардын логопед адистеринин жардамына муктаждыгы тууралуу баарлаштык.