БИШКЕК, 21-янв. — Sputnik. Мектеп окуучулары үчүн Улуу Ата Мекендик согушка арналган олимпиада өтөт. Бул тууралуу уюштуруучулар билдиришти.
Маалыматка ылайык, иш-чара 25-февралда башталат, бирок каттоо учурда жүрүп жатат. Олимпиаданын жеңүүчүлөрүнө Москвадагы Кызыл аянтта өтө турган Жеңиш парадын көрүүгө мүмкүнчүлүк берилери айтылды.
"Бул олимпиада дүйнөдөгү окуучулар үчүн интеллектуалдык сынак болуп эсептелет. Максаты — Улуу Ата Мекендик согуштун тарыхын сактап, эрдиктерди унутпоо", — деп жазылган маалыматта.
Катталуу шилтемеси аркылуу жүргүзүлөт. Баса, олимпиаданын финалына чыккандардын жол кире, мейманкана чыгымдарын уюштуруучу тарап өз мойнуна алат.
