БИШКЕК, 11-янв. — Sputnik. Бишкекте эки үйдөн өрт чыгып, бирөөсүнүн жашоочулары эвакуацияланды. Бул тууралуу ӨКМден билдиришти.
Маалыматка ылайык, түндө Чүй менен Сүйүнбаев көчөлөрүнүн кесилишиндеги жаңы салынып жаткан имараттан өрт чыгып, өчүрүлгөн.
Мындан тышкары, Исанов көчөсүндөгү 13 кабаттуу үйдөн чыккан өрт чатырга жайылган.
"Акыркы кабаттан чыккан өрт үйдүн чатырына чейин жайылып, бир подъезддин жашоочулары эвакуацияланган", — деп айтылат маалыматта.
Тилсиз жоо саат 08:42де толугу менен өчүрүлдү. Жабыркагандар жок.