Касым-Жомарт Токаев Кыргызстандын ТИМ башчысы Жээнбек Кулубаевди кабыл алды Зеленский Россия менен болгон жаңжалды 2025-жылы токтотууну кааларын билдирдиСалык кызматы 2024-жылы 228 млрд-дан ашык салык жана төлөмдөрдү чогулттуАлдыда кененирээк10-январда, Казакстандын президенти Касым-Жомарт Токаев Кыргызстандын тышкы иштер министри Жээнбек Кулубаевди кабыл алганын министрликтен кабарлашты.Маалыматта Токаев кыргыз-казак мамилесинин, стратегиялык өнөктөштүктүн өнүгүшүнө токтолгону айтылат. Кулубаев өз кезегинде казак тарапка Актаудагы авиакырсыкта кыргызстандыктарга көрсөтүлгөн жардам үчүн ыраазылыгын билдирген. ТИМ башчысы коңшу өлкөгө расмий сапары менен бүгүн барды. Аны Казакстандын премьер-министринин орун басары — ТИМ башчысы Мурат Нуртлеу чакырган. Сапардын алкагында Кыргызстан менен Казакстандын тышкы саясат ведомстволорунун жетекчилеринин ортосунда сүйлөшүүлөр жүрүп, анда кыргыз-казак стратегиялык өнөктөштүгү менен союздаштыгынын актуалдуу маселелери талкууланары айтылган.
Мамлекеттик салык кызматы 2024-жылдын жыйынтыгы боюнча мамлекеттик бюджетке 228 млрд 277 млн 100 миң сом салыктарды жана төлөмдөрдү чогултту. Ведомстводон билдиришкендей, белгиленген план 4 млрд 368 млн сомго ашыгы менен аткарылып, аткаруу 102 пайызга жетти. 2023-жылга салыштырмалуу салыктардын келип түшүүсү 43 млрд 260 млн 600 миң сомго өстү же өсүү темпи 123% ды түздү. Чогултулган камсыздандыруу төгүмдөрүнүн суммасы 74 млрд 82млн 700 миң сомду түздү же 5 млрд 22 млн 700 миң сомго ашыгы менен аткарылды. Бул өткөн жылдын көрсөткүчтөрүнө салыштырмалуу 9 млрд 695 млн 300 миң сомго көп өсүү темпи 115%. Жалпысынан 2024-жылы 302 млрд 359 млн 800 миң сом салык жана камсыздандыруу төгүмдөрү жыйналды.
Кызыл-Кыя шаарында мечитке ташталган ымыркайдын апасы табылды. Баткен облустук милициясынан билдиришкендей, үстүбүздөгү жылдын 3-январында Кызыл-Кыя шаарындагы мечиттердин биринен ак шейшепке оролгон ымыркай табылган. Бул факт Кызыл-Кыя шаардык милициясынын маалыматтардын электрондук журналына катталып, милиция кызматкерлери тарабынан ыкчам-иликтөө иш-чаралары жүргүзүлгөн. Анын натыйжасында күн мурун, 10-январда Кадамжай районунун Орозбеков айыл аймагынын 16 жаштагы тургуну ымыркайдын апасы экени аныкталып, кармалды. Учурда тергөө иштери уланууда.
Владимир Зеленский Украина АКШдан коопсуздук кепилдигин алып, 2025-жылы Россия менен болгон жаңжалды токтотууну каалай турганын айтты. Бул тууралуу РИА Новости жазды. Пентагондун расмий өкүлүнүн орун басары Сабрина Сингх 8-январда АКШ Украинага жаңжалды токтотуу шарттарын айтып, көрсөтмө бербей турганын, андыктан Зеленский тынчтык сүйлөшүүлөрү боюнча чечим кабыл алуу укугуна ээ экенин билдирген. АКШнын Украина боюнча болочок өкүлү Кит Келлог кечээ билдиргендей, Дональд Трамп жакынкы келечекте Владимир Путин жана Владимир Зеленский менен боло турган сүйлөшүүлөрдүн алкагында Украинадагы жаңжалды жөнгө салууга жетише алат. "Биздин максат — коопсуздук кепилдиктерин алып, согушту быйыл токтотуу. Бул үчүн бардыгын жасайбыз. Тынчтыктын орношу биз үчүн абдан маанилүү, бирок бир нерсеге келишүүдөн мурун Украина жана Европа үчүн олуттуу коопсуздук кепилдиктерин аныкташыбыз керек", — деген Зеленский италиялык телеканалдагы маегинде.