БИШКЕК, 5-янв. — Sputnik. 2024-жылдын январь-сентябрында Кыргызстандан малдын 698,2 тонна ич эти тышка сатылган. Бул тууралуу Улуттук статистика комитетинин отчетунда жазылган.
Кыргызстандагы малдын ичеги-карынын алган өлкөлөр:
Вьетнам — 433,2 тонна;
Түркия — 94,8;
Гонконг — 76,7;
Кытай — 29,4;
Пакистан — 21,9;
Египет — 21,3;
Өзбекстан — 20,9.
Статистикалык комитетте 2018-жылдан берки маалыматтар бар. Аларга көз чаптырсак, өткөн жылдын январь-октябрь айларында мындай товарлардын экспорту 2023 жана 2022-жылдардагы көрсөткүчтөн (606,4 жана 525,3 тонна) ашканын байкоого болот. Бирок бул рекордук сан эмес: 2019-жылы экспорттун көлөмү 1 000 тоннадан ашкан.
Белгилей кетсек, 2019-жылдан бери Кыргызстанда ичегилерди импорттобой калган Пакистан сатып алууну кайра жандандырса, ич эт алган мамлекеттердин катарына Өзбекстан да кошулду.