БИШКЕК, 3-янв. — Sputnik. Кызыл-Кыядагы мечитке ымыркайды таштап кетишкенин Баткен облустук милициясы кабарлады.
Маалыматка ылайык, молдо мечитке эртең менен азан чакырганы барганда ак шейшепке оролгон эркек баланы таап алган.
Фактыны Кызыл-Кыя ШИИБи каттоого алып, текшерүү иштерин жүргүзүүдө.
Бөбөк шаардык ооруканага жеткирилип, медиктердин көзөмөлүнө алынган. Абалы туруктуу.