БИШКЕК, 1-янв. — Sputnik. Улуттук статистика комитетинин маалыматы боюнча, буудай негизинен Россиядан импортолсо, ун Казакстандан алып келинүүдө.
Эске салсак, өлкө өзүн-өзү толугу менен буудай менен камсыздай албайт.
Статкомдун соңку маалыматы боюнча (2024-жыл январь-октябрь), республикага 234,8 миң тонна буудай импорттолгон.
Өлкөлөр боюнча сандар:
Россия — 210,5 миң тонна;
Казакстан — 24,3 миң тонна;
Өзбекстан — 4,6 тонна.
2022-жылдын ушул эле мезгилинде 278,3 миң тонна буудай импорттолуп, көпчүлүгү Россияга туура келген.
2024-жылдын 10 айында 22,1 миң тонна буудай жана арпа-буудай уну төмөнкү өлкөлөрдөн сатып алынган:
Казакстан — 18,9 миң тонна;
Россия — 3,1 миң тонна;
АКШ — 100 тонна;
Өзбекстан — 24 тонна;
Франция — 15,6 тонна;
Беларусь — 0,9 тонна;
Түштүк Корея — 0,2 тонна.
Мурдагы жылы январь-октябрь аралыгында 28,4 миң тонна ун импорттолгон. Ошентип Кыргызстан өзүнө жетишпеген ун жана буудайдын көбүн ЕАЭБ өлкөлөрүнөн сатып алат.
