БИШКЕК, 1-янв. — Sputnik. 2-январда өлкөнүн айрым аймактарында кар жаап, туман түшүшү мүмкүн. Бул тууралуу Кыргызгидрометтен билдиришти.
Маалыматка ылайык, жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Талас жергесинде -1...4, Ош, Жалал-Абад, Баткен облустарында 2...7, Ысык-Көл өрөөнүндө 0...5, Нарын аймагында -1...-6 градус болору айтылды.
Термометрдин көрсөткүчү борбор калаада 0...2, Ош шаарында +4...+6 градусту көрсөтөт.