БИШКЕК, 1-янв. — Sputnik. Январда абанын температурасы нормадан бир градус жогору, ал эми жаан-чачындын айлык көлөмү нормага жакын болот. Бул тууралуу Кыргызгидрометтен билдиришти.
Маалыматка ылайык, өлкө боюнча күндүн табы аймагына жараша болгону менен нормадан жогорураак болот
© Фото / пресс-служба Кыргызгидромет
Маалыматка ылайык, өлкө боюнча күндүн табы аймагына жараша болгону менен нормадан жогорураак болот. Ал эми жаан-чачындын айлык көлөмү нормага жакын болот.
Ал эми жаан-чачындын айлык көлөмү нормага жакын болот
© Фото / пресс-служба Кыргызгидромет
Чүй облусу
Орточо температура нормадан жогору туруп -2…-4 градус, түндүгүндө -4…-6, тоо этектеринде жана Кемин өрөөнүндө -5…-7 градус болушу күтүлөт.
Ай ичинде абанын температурасы -4…-9 сууктан +4 градуска чейин жылыйт, кээде түнкүсүн -13…-18 градуска чейин түшсө, айрым күндөрү күндүз +9…+14 градуска чейин көтөрүлүшү ыктымал.
Талас облусу
Абанын температурасы айрым түндөрдө -17 градуска чейин түшсө, кээ бир күндөрү +14 градуска чейин жогорулашы дагы ыктымал. Анткен менен абанын айлык орточо температурасы -3…-5 градустун тегерегинде сакталат.
Ош, Жалал-Абад, Баткен дубандары
Температура өрөөндөрдө -1…-3 градус, тоо этектеринде -2…-4 градус болушу күтүлөт.
Ай ичинде түнкүсүн температура -1…-6 сууктан +5 градуска чейин жылышы ыктымал. Жалпысынан эле аба аймакка жараша -12 градуска чейин сууктап, ошол эле учурда +16 градуска чейин жылышы ыктымал.
Ысык-Көл облусу
Дыйканчылык аймактарда абанын температурасы -1…-3 градус болот. Аймактын чыгышында -4…-6 градус чегинде турушу мүмкүн.
31 күндүн ичинде түндө сууктун күчү -18 градуска чейин жетиши ыктымал, ошол эле учурда кээ бир күндөрү +9 градуска чейин көтөрүлүшү мүмкүн.
Нарын облусу
Абанын орточо температурасы -13…-15 градус болот.
Кээ бир күндөрү температура -21…-26 градуска чейин төмөндөшү мүмкүн. Ошол эле учурда Ат-Башы аймагында -25...-30 градуска чейин түшкөн учурлар кездешет.