БИШКЕК, 30-дек. — Sputnik. Бишкекте Honda Fit унаасы бакты сүзүп, бир адам каза болду. Бул тууралуу Чүй ОИИББден билдиришти.
Маалыматка ылайык, кырсык түнкү 02:15тер чамасында болгон.
"Honda Fit унаасы Алматы көчөсү менен түндүктөн түштүктү көздөй бара жатып каршы тилкеге чыгып, бакты сүзгөн. Кырсыктын кесепетинен жүргүнчү катары бара жаткан 18 жаштан 21 жашка чейинки беш киши ар кандай жаракат алган", — деп айтылат маалыматта.
Жабыр тарткандардын арасындагы 19 жаштагы жигит жандандыруу бөлүмүндө каза болуп калганы маалым болду.