БИШКЕК, 26-дек. — Sputnik. Бишкекте эки автоунаа кагышып, айдоочулары каза болду. Бул тууралуу ШИИББ билдирди.
26-декабрга караган түнү саат 02:00 чамасында 36 жаштагы А.А. KIA K5 үлгүсүндөгү автоунаасы менен Щербаков көчөсүндө каршы тилкеде келе жаткан Mercedes-Benz машинасы менен кагышкан. Экинчи унаанын рулунда 35 жаштагы Э.Д. болгон.
"Кырсыктын кесепетинен эки айдоочу тең оор жаракат алып каза тапты. Ал эми үч жүргүнчү Улуттук госпиталдын жандандыруу бөлүмүнө жаткырылды", — деп айтылат маалыматта.
Аталган факт Бишкек ШИИББге катталып, тиешелүү экспертизалар дайындалды.