Электрондук товардык-транспорттук колдонмону жоюуга жол берилбейт. Бирок процести жөнөкөйлөтүү боюнча иштер жүргүзүлөт. Бул тууралуу министрлер кабинетинин төрагасы Адылбек Касымалиев билдиргенин анын маалымат кызматы кабарлады. Төрага Салык кызматында кеңешме өткөргөн. "ЭТТКны жоюуга жол берилбейт, бирок бул процессти жөнөкөйлөтүү боюнча иштер жүргүзүлөт. ЭТТК талап кылынган товарлардын тизмесин кайра карап чыгуу зарыл", — деген Касымалиев. Ал ишкерлер отчет тапшырууда кездешкен кезек күтүү, электрондук системалардын иштөөсүндөгү мүчүлүштүктөр сыяктуу көйгөйлөрдү тез арада жоюуну тапшырган. Отурумдун жыйынтыгында ЭТТКны киргизүүнүн жана жөнөкөйлөтүүнүн жыйынтыктарын изилдеп, Салык кызматынын ишин өркүндөтүү боюнча сунуштарды иштеп чыга турган атайын комиссия түзүлмөй болду.
Сузакта Барпы чек ара заставасынын жаңы имараты пайдаланууга берилди. Бул тууралуу атайын кызматтын маалымат кызматы кабарлады. Билдирүүгө ылайык, Ачылыш аземине УКМК төрагасы Камчыбек Ташиев баш болгон Чек ара кызматынын жетекчилери, жергиликтүү тургундар катышкан. Камчыбек Ташиев сөз сүйлөп, кыргыз чек арачыларынын шарттарын жакшыртуу, материалдык-техникалык базасын чыңдоо иштери улантыларын белгиледи. Ошондой эле Камчыбек Ташиев жаңы заставанын имаратын жана аймагын толугу менен көруп чыгып, түзүлгөн шарттар менен таанышты. Жоокерлер менен чогуу тамактанып, машыгуу залдары, кызматтык жатканаларды да карап чыкты.
Асыл тукум мал чарба, жайыт жана тоют департаменти жеке ишкер Голенков ишканасы менен түзүлгөн келишим боюнча, өлкөгө кылкансыз түбү бош жайыт чөптөрүнүн 114 миң 181 килограмм үрөнү алып келинди. Суу ресурстары, айыл чарба жана кайра иштетүү өнөр жайы министрлигинен билдиришкендей, анын ичинен 82 тонна 867 килограмм үрөн Ысык-Көл, Нарын, Чүй, Талас, Баткен жана Ош облустарынын айыл аймактарына жеткирилип, таркатылып берилди. Ал эми Жалал-Абад облусуна декабрдын аягына чейин 35 тонна 814 кг жеткирүү пландалууда. Министрликтин билдиришинче таркатылган жайыт чөптөрүнүн үрөндөрү жана эспарцет чөбүнүн аралашмасы республика боюнча 393 гектар жайытка себилген.
Европа мамлекеттери "Орешник" ракеталык системасын согуш учурунда сынаган Россиянын белгисин түшүнбөй койду. Бул тууралуу Австриянын мурдагы тышкы иштер министри Карин Кнайсль айтканын РИА Новости жазды."Тилекке каршы, алар бул белгини түшүнүшкөн жок. Путиндин өзөктүк согушка өтүүнү каалабаган оюн түшүнбөй коюшту. Россия лидери согуш арсеналында өзөктүк куралга тете башка варианттар абдан көп экенин айткысы келди, бирок аркы жээктегилер муну түшүнгөн жок", — деп жооп берген Кнайсль берилген суроого. Белгилей кетсек, Россия америкалык жана британиялык куралдын колдонулушуна жооп кылып 21-ноябрда Украинанын аскердик өнөр жай комплексине сокку урган. Натыйжада Днепропетровскидеги ракеталык техника жана башка курал чыгарган өнөр жай комплекси кыйраган болчу. Мында орто аралыкка атылуучу "Орешник" баллистикалык ракетасы сын