БИШКЕК, 24-дек. — Sputnik. Садыр Жапаров Бишкек жана Ош шаарларынын "балит" тургундарын сындады.
Өлкө башчы "таштандыны тазалабайсыңар" деп урушканда шаар жетекчилери ага төмөндөгү видеону жөнөткөнүн соцтармактагы баракчасы аркылуу билдирди.
"Арабызда балит адамдар бар. Эмне деген адепсиздик? Таштанды челектер бош турат. Машинадан чыга калып таштанды челектин ичине салып коюу ошончолук кыйынбы?! Анан мэрлерди "таштандыны тазалап коюшпайбы, шарт түзүп беришпейби" деп сындасаңар жаныңарга киши тура албайт. Видеону жакындатып карасаңар, кимдер экенин кошуналары тааныйсыңар. Уяткарып, тарбиялап койбойсуңарбы", — деп жазган президент.
Ал ошондой эле коомду жалгыз киши тарбиялай албастыгын кошумчалаган.