БИШКЕК, 22-дек. — Sputnik. Сауд Арабия буга чейин Германиянын бийлигине Магдебургдагы терактыны жасаган адамдын кооптуулугу тууралуу үч ирет эскерткенин, бирок Берлин муну саясатка байланыштырып көңүл бурбай койгонун РИА Новости Spiegel басылмасына шилтеме берип жазды.
"Сауд Арабия 2023-жылы Германия бийлигине Интерпол аркылуу кайрылып, Талеб А. аттуу адамды террордук ишмердүүлүккө шектүү катары камакка алууну өтүнгөн. Берлин сунушту саясий негиз болушу деген жүйө менен четке каккан. Жыйынтыгында ал киши Сауд Арабияда куугунтукталган деп эсептелип, Германиядан башпаанек алган", — деп билдирген басылма.
Welt гезити шектүү Х социалдык тармактагы баракчасында Берлин Сауд Арабиядан келген динден оолак качкындарды куугунтукка алгандыгы үчүн жооп берет деген сөзүн келтирди.
Эске салсак, өткөн жума күнү Магдебургдагы (Германия) рождестволук жарманкеде унаанын айдоочусу топтолуп турган адамдарды сүзүп кеткен. Германиянын Саксония-Анхальт федералдык аймагынын премьер-министри Райнер Хазелоффтун айтымында, кол салуудан беш киши каза болуп, 200дөн ашуун адам жарадар болгон. Welt басылмасынын маалыматы боюнча, айдоочу Сауд Арабиясынын 1974-жылы туулган жараны болгон. Süddeutsche Zeitung гезити өз булактарына таянуу менен билдиргендей, шектүү 2016-жылы качкын деп таанылган.